ga-tuldok na kalayaan

tumatakbo. nanonood. nakayapak. hinahangin ng haring panahon ang buhok. umiindayog. napakaganda. dumidipa. sumasalubong. sumasama sa alon. lumalangoy. nagpapatianod. ngunit hindi nalulunod. nabibilad. nadadampian. nauulanan. manipis ang balat ng walang bahid ng pagkukunwaring mga kasuotan. mga kurbada. mga linya. mga kulay at anino. nakaukit lahat sa kabuuang hindi makasarili. nakadikit. nakasabit. nakaayos. ngiti lamang ng kabusilakan ang palamuti sa payak na imahe. maamo. mapayapa. mapang-akit. at tunay ngang ang salamin sa langit na ipinintang kulay kahel ay hindi sinungaling. pasingit.paalala.walang koneksyon. ang bulak ay pwede ring tumigas at ang asukal ay pwede ring pumait. ang sariwa ay pwedeng mabulok at ang bago ay pwedeng maluma. pero intay-intay ka lang... ang panahon naman ay hindi maramot.